|
Разбурэнні будынкаў на Новым Свеце
3 красавіка 2008 года
Гарадзенскія улады прыступаюць да рэалізаці праекта знішчэння гарадзенскага Новага Свету. У бліжэйшыя дні будуць разбураныя два будынкі
Завулак Рэйманта, што паміж вуліцамі Рэйманта і Даватара, – ціхая і сапраўды элітная вуліца нашага горада. Замест таго, каб рацыянальна ўкладаць грошы ў развіццё гэтага раёна (напрыклад, надбудоўваць ў двухпавярховых хрушчоўках яшчэ адзін-два паверхі з кватэрамі павышанай камфортнасці), гарадскія ўлады пачалі завулак Рэйманта паступова знішчаць дзеля вызвалення дадатковай тэрыторыі для дзіцячай бальніцы. Ужо выселены два дамы, адзін з якіх (зав. Рэйманта №1) пабудаваны ў другой палове 1930-х г. і з’яўляецца цікавым прыкладам двухпавяховага кватэрнага дома з мансардай для польскіх афіцэраў-лётчыкаў, што абслугоўвалі мясцовы аэрадром. Жыхары з дома высяляцца не хацелі, аднак іх паставілі перад фактам.
Па-сутнасці, пачынаецца новы этап знішчэння Новага Свету. У верасні гэтага года ўлады плануюць знесці выдатны прыклад драўлянай эклектыкі – былую пякарню Любэга, а зараз кватэрны дом па вул. 17 верасня № 8. У планах уладаў таксама знішчэнне будынкаў на вуліцы Астроўскага і знос каля дзясятка дамоў па вуліцы Горкага паміж вуліцамі 17 верасня і Міцкевіча. Для Горадні гэта будзе азначаць страту цэлага гарадскога раёна, які сфарміраваўся ў канцы ХІХ – пач. ХХ ст. і меў назву Новы Свет.
| |
Зав. Рэйманта №1
|
|
| |
Вул. 17 верасня № 8
|
|
Апошнія каментарыі:
|
|
Они что совсем охерели.Последнее здание вообще супер. Я б там жил. А скакой целью сносят? |
Праглядзець усе выказванні (Усяго 1)
|
|
|
|
|
|
|
|
Лірыка...
Над дугамі-мастамі Гродна
Спакойнае дыханне грому.
На кроны з лісцяў,
кроны з лілій -
пяшчота ліўняў
сініх ліній.
Нырайце, крылы, ад дажджу
ў нябёсы!
Хавайся пад крыло маё,
Не бойся!
Данута Бічэль-Загнетава
|
Дасылайце свае вершы пра Гародню
|
|
Помнік
| |
Пажарная вежа
|
|
|
|
Слаўнае імя
Натусевіч Янка (? – пачатак 1920-х гадоў (?))
сябра Камітэту нацыянальнага адраджэння Беларусі, Гродзенскага БНК, Гродзенскай беларускай павятовай рады, клубу «Беларуская хатка» |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
Ці памаладзее калі-небудзь Стары Замак?
30 снежня 2006 года
Некалькі словаў аб плануемай у хуткім часе рэканструкцыі Старога Замка. Гісторыя праектаў рэстаўрацыі і эксклюзіўныя малюнкі.
Глядзець
|
Вядомыя людзі пра "рэканструкцыю"
 Андрэй Хадановіч, паэт:
Мне таксама баліць Гародня. Забіваецца дух горада. Зайздросціш краінам, якія шануюць сваю спадчыну. У нас захаваліся лічаныя помнікі. Інфармацыя пра іх не даведзена да насельніцтва. Я не ўяўляю іншай краіны, дзе б можна было так бурыць усё. Гарадзенская даўніна, шматкультурнасць – эўрапейскі краявід – галоўнае адрозненне ад азіяцкай культуры. Гэта значыць максімум рознаканфесійных помнікаў. Муніцыпальная ўлада, якая часам больш халуйская за найвышэйшую, не разумее гэтага. Вертыкаль крадзе ў сваіх дзяцей.
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
