|
Земляныя работы на вуліцы Падгорнай
4 красавіка 2008 года
Ужо тыдзень вядуцца земляныя работы, што прывядуць за фактычнага знікнення старажытнай Падгорнай вуліцы
Экскаватарныя працы, у выніку якіх у вялікіх аб’емах вывозіцца грунт, руйнуюцца старыя будынкі і падмуркі, вядуцца будаўнікамі на Падгонай вуліцы і каля Старога моста. Самай цікавай характэрнай рысай дадзеных земляных работ у самым гістарычным цэнтры Горадні з’яўляецца поўная адсутнасць падчас іх прац археолагаў. Пры чым як гарадзенскіх, так і менскіх. У 2006 годзе літаральна на месцы сённяшніх земляных работ у пачатку вуліцы Падгорнай былі закладзеныя некалькі шурфаў пад кіраўніцтвам менскага археолага А.Мядзведзева. Тады была выяўлена наўнасць даволі значнага культурнага слоя. Гэта не дзіўна, паколькі гарадзенскі Падол быў у ліку першых мясцін, заселеных у нашым горадзе.
Нагадаем, што “рэканструкцыя” Падгоранй вуліцы – частка маштабнага плана ўладаў, мэтай якога – пусціць праз гістарычны цэнтар горада асноўныя транспартныя плыні. Альтэрнатыўны праект па размеркаванню транспарта ў абыход гістарычнага цэнтра грамадскасці, пададзены гарадскім уладам год таму, не быў прыняты да ўвагі.
Апошнія каментарыі:
|
|
бачна, які магутны культурны слой. Тут трапляецца шмат цікавых рэчаў. Напрыклад, шкляная бутэлька з надпісам "Apteka H.Biertumpfla w Warszawie". |
|
|
Дарэчы там побач па інфармацыі Дзяржкантроля стаіць адзін незаконна пабудаваны будынак з белай цэглы нейкага прадпрыемства "Пульс". |
Праглядзець усе выказванні (Усяго 2)
|
|
|
|
|
|
|
|
Лірыка...
|
Вандроўка па Гародні
з Уладзімірам Караткевічам
вясной 1965
|
– Ці памятаеш,
як нас запрасіла гісторыя
і мы сустрэліся ранкам
каля замка Баторыя?
На нас не зірнулі сфінксы
Аўгуста Трэцяга з брамы.
Падышлі да руін,
прыселі
на скляпенняў строгія рамы.
Як быццам здалёк аднекуль,
з глыбінь таемных вякоў,
забіты ў семнаццатым веку,
апошні рыкае тур.
Глядзелі на левы бераг,
адтуль напор крыжакоў
спіхнуў плечуком каменным
у Нёман магутны мур.
У фарным касцёле апосталы
пяты век выступаюць на сходзе.
Каторы з раскрытай кнігай,
да цябе падобны, Валодзя.
…Тут Браніслаў Тарашкевіч
наіўныя добрыя вочы
сляпіў у турэмнай цалі,
запісваў нам правілы
беларускай граматыкі,
каб памылкі паправілі,
што натварылі, наспех
натуючы апаўночы справы…
Ігнат Дварчанін,
другі беларускі пасол,
за езуіцкім мурам
прадаўжаў сваю сцежку вязня.
І Піліп Сямёнавіч Пестрак
па-блазенску з трыбуны лясне:
– У Гародню ездзіць люблю,
у турме тут карміў прусоў.
Ад вуліцы Каліноўскага –
чыстага бору струна.
Снуецца з Нёмана горад,
як ніткі з верацяна.
Данута Бічэль-Загнетава
|
Дасылайце свае вершы пра Гародню
|
|
Помнік
| |
Піўзавод
|
|
|
|
Слаўнае імя
Амельянчык Мікалай Мацвеевіч (1899 – ?)
грамадскі дзеяч, самадзейны акцёр, арганіст у лютэранскай кірсе |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
 Уладзімір Бачкоў. Невядомая нам Гародня
Мастацтва, студзень 2007 года, №1
У 80-х гадах мінулага стагоддзя ў Стакгольме быў знойдзены адбітак гравюры вядомага тапографа і мастака Тамаша Макоўскага, які добра захаваўся. На ім – від Старой Гародні з левага берага ракі Нёман. Даступная раней даследчыкам копія была пазбаўлена паловы выявы – амаль усёй масавай забудовы горада, і было няясна, як яна размяшчалася ў ландшафце. Знойдзеная ж гравюра раскрывае эстэтычныя асаблівасці важнейшага этапу фарміравання горада, калі вызначыліся асноўныя элементы яго кампазіцыі, іх сувязі з тапаграфіяй ландшафту, што даволі істотна для рэстаўрацыйнага кірунку рэгенерацыі гістарычнай забудовы Гродна, якая застаецца па-ранейшаму актуальнай.
Глядзець
|
Вядомыя людзі пра "рэканструкцыю"
 Зінаіда Бандарэнка, народная артыстка:
Дзеянні ўладаў выклікаюць толькі абурэнне. Але нельга пакідаць гэта па-за ўвагай. Людзі павінны змагацца за свой горад. Любая спроба грамадства будзе дзейснай, не гледзячы на сенняшнія ўмовы абмежавання свабоды.
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
