Гродзенскі гарвыканкам забараніў школьнікам удзельнічаць у канферэнцыі 30 красавіка 2008 года Па загаду гарвыканкама з праграмы гарадской школьнай канферэнцыі выкінуты прозвішчы вучняў, якія прымалі ўдзел у абароне цэнтра Гродна Яшчэ не заціхла водгулле забароны ўдзелу ў гарадской юбілейнай навуковай канферэнцыі двум дактарам гістарычных навук, вядомым беларускім гісторыкам А. Смаленчуку і А. Краўцэвічу, а гарадскія ўлады ўжо спрабуюць пераўтварыць успадабаны імі метад барацьбы з гісторыяй у традыцыю. На гэты раз забарона кранулася не масцітых гісторыкаў, а … дзяцей – вучняў гродзенскай сярэдняй школы №28. Амаль год таму некалькі таленавітых дзесяцікласнікаў, вучняў гэтай школы, знялі фільм, прысвечаны так званай “рэканструкцыі” Гродна. Наіўныя маладзёны арганізавалі прэзентацыю гэтага фільма ў роднай навучальнай установе. У выніку, пасля таго, як гэты факт стаў вядомы мэру горада А. Антоненку, сваімі працоўнымі месцамі ледзь не паплаціліся загадчык гарадскога упраўлення адукацыі С. Блажэй, дырэктар школы М. Ахметаў і настаўнік школьнікаў, загадчык школьнага музея І. Рабкоў. Бацькоў школьнікаў (а некаторыя з іх займаюць даволі значныя пасады ў пагранічнай службе і КДБ) папярэдзілі па службовай лініі. Здаецца, канфлікт быў вычарпаны, аднак няма межаў подласці і злапомнасці. 22 красавіка 2008 г. у ліцэі №1 г. Гродна мелася адбыцца 10-я юбілейная канферэнцыя “Миры моего Я”. Мэр горада патэлефанаваў дырэктару СШ №28 Ахметаву і загадаў забараніць удзел у канферэнцыі І. Рабкову і яго вучням А. Батуру і М. Латомскаму. Дырэктар ліцэя №1 А. Панцэвіч хуценька перарабіў праграму канферэнцыі, выкінуўшы адтуль імёны згаданых вучняў. Справа, зразумела, не ў тым, што школьнікі збіраліся выступіць з дакладамі аб разбурэнні гістарычнага цэнтра Гродна. Даклад вучняў быў прысвечаны гісторыі гродзенскай лютэранскай абшчыны, а даклад І. Рабкова называўся: “Патрыятычнае выхаванне школьнікаў на прыкладзе музея 29-й арміі”. Але, як бачым, “патрыятычнае выхаванне” і тым больш праўдзівая гісторыя не бяруцца ў разлік, калі трэба звесці рахункі з тымі, хто не дагадзіў, ня важна, ці гэта доктар навук, ці гэта школьнік. З праграмы гарадской навуковай канферэнцыі, якая пройдзе 29 красавіка, імёны школьнікаў і іх настаўніка таксама выкінулі. Ну, але тыя асабліва не пакрыўдзяцца, бо гэтыя псеўданавуковыя канферэнцыі нікому ніякай крыўды не прыносяць. Затое зробленая хлопцамі справа – зняты імі фільм – назаўсёды застанецца аб’ектыўным сведчаннем таго, што адбывалася і адбываецца ў Гродне. Усе жадаючыя могуць яго паглядзець. Спадчына (Гродна, 2007) Частка 1 Частка 2 Частка 3 Частка 4 Дадаць каментарый Імя: Каментарый: тры адзін сем дзевяць - увядзіце гэты код лічбамі (цифрами) Апошнія каментарыі: xD 26-07-2009, 18:14 а почему все считают, что авторы фильма против нынешнего режима? Мне очень смешно читать как тут все патриотично настроены ... Неужели просто рассудок многие потеряли? Иногда надо делать выводы не только, посмотрев фильм, но и пообщавшись с авторами ... Alena 19-12-2008, 15:23 Цудоўнае відэа, я вельмі-вельмі ўдзячна вам, дарагія рэжысэры, што вы адважыліся зняць такі фільм! Проста малайцы, вы сапраўдныя патрыёты! І не звяртайце ўвагі на такіх маргіналаў, як каментар "Я", ці іншых падобных яму лукашыстаў! Яны проста бедныя людзі, іх трэба шкадаваць, яны не маюць той Беларусі, якую маем мы, яны пустыя, іх проста не існуе для гісторыі! А тыя, хто знішчае нашую спадчыну, яшчэ адкажа за свае ўчынкі, я ведаю гэта... Трымайцеся! Разам мы мацнейшыя!) З павагай, Алена Я 25-08-2008, 10:05 Посмотрел... Скажу честно -- фуфло... Ладно ребята, но у них есть старшие товарищи, которые должны были хотябы исключить противоречия в тексте... Ну а качество исполнения, полное "Г"... Свадьбы и то качественнее делаются... Праглядзець усе выказванні (Усяго 10)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў