У Горадні з’явяцца вуліцы Шыдлоўскага, Аслікоўскага, Бажоры 17 траўня 2008 года 13 мая тапанімічная камісія пры Гродзенскім гарвыканкаме прыняла рашэнне аб перайменаванні некаторых вуліц у новадалучаных раёнах горада Шыдлоўскі Аляксандр Канстанцінавіч (18.06.1911 – 26.09.2002) дзеяч заходнебеларускага культурнага і грамадска-палітычнага жыцця, кампазітар, аўтар вядомых песень, стваральнік песенных калектываў, гарачы патрыёт Беларусі і Горадні У сувязі з тым, што некаторы час таму да Горадні былі далучаны навакольныя вёскі, паўстала пытанне аб наданні назваў вуліцам у гэтых вёсках, тым больш, што некаторыя назвы дублююцца з назвамі ў горадзе. У выніку, разгледзеўшы прапанаваны спіс, камісія прыняла шэраг рашэнняў аб наданні новых назваў. Такім чынам на гарадскіх ускраінах з’явяцца вуліцы ў гонар гарадзенскага кампазітара Шыдлоўскага, камандзіра 3-га кавалерыйскага корпуса Аслікоўскага, героя СССР Бажоры. Тое, што Горадня атрымала назву вуліцы імя Шыдлоўскага, можна расцэньваць як добры знак. Грамадскасць горада павінна прыкласці ўсе высілкі дзеля таго, каб хутка ў Горадні з’явіліся вуліцы Аляксея Карпюка, Міхася Ткачова, Васіля Быкава, Апанаса Цыхуна! Гэтая справа толькі ў нашых руках. Пішыце гарадскім уладам! Выказвайцеся гучна, патрабуйце! У ходзе паседжання камісіі далося заўважыць тэндэнцыю, што гарадскія ўлады баяцца даваць гарадскім вуліцам назвы ў гонар лепшых людзей нашай краіны, жыццё якіх было звязана з нашым горадам – Аляксея Карпюка, Васіля Быкава, Міхася Ткачова. Так катэгарычна была адкінута прапанова назваць вуліцу ў вёсцы Кульбакі ў гонар ксяндза Уладыслава Талочкі, знакамітага беларускага святара, філосафа, сябра Ю. Ядкоўскага. А між тым акурат у Кульбаках нарадзіўся бацька святара, там дасюль жывуць яго сваякі. Тым не менш у горадзе хутка з’явіцца вуліца ў гонар выдатнага гарадзенскага кампазітара, патрыёта Беларусі і Горадні Аляксандра Канстанцінавіча Шыдлоўскага. Аб яго жыцці чытайце тут Чытайце таксама: 05.11.2006 Прапануецца праект перайменавання вуліцаў і плошчаў Горадні 22.10.2006 Прапановы па ўвекавечванню імёнаў выдатных людзей, жыццё і дзейнасць каторых звязана з Гроднам, ў назвах гарадзенскіх вуліц (Алесь Госцеў) Дадаць каментарый Імя: Каментарый: шэсць адзін тры адзін - увядзіце гэты код лічбамі (цифрами) Апошнія каментарыі: Генадзь 26-05-2008, 20:53 А Быкава вуліца будзе? Ці зноў ў іх то панос. то залатуха, у гэтых уладаў. Праглядзець усе выказванні (Усяго 1)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў