Стары Млын на Татарцы 28 ліпеня 2008 года Мы часта паўтараем, што ў нашай краіне няма чаго паказваць турыстам. Ані сваім, ані замежным. Адначасова ж надзвычай цікавыя помнікі разбураюцца на вачах. Цяжка прыдумаць больш зручнае месца для размяшчэння гэтага млына – зусім блізка галоўныя месцы адпачынку гарадзенцаў: возера Юбілейнае, рыбгас, мясакамбінатаўская фазэнда ў Каробчыцах… Тут жа гарадзенскі стары аэрадром і форт №4 гарадзенскай крэпасці. Культурная праграма і для маладых, і для дарослых на ўвесь летні дзень. Але ж на аб’екты гэткага кшталту не звяртаюць увагі ні ў райвыканкаме, ні вышэй. Які млын, скажаце вы, калі палац XVIII стагоддзя ў Свяцку ўжо давялі да разбурэння (дарэчы, раённыя ўлады адмовіліся прадаць яго за 1 млн. даляраў, хочуць зараз намнога больш, а дачакаюцца толькі далейшага разбурэння). А млын на Татарцы, дарэчы – амаль гатовы музейны аб’ект з інтэр’ерамі, дзе нават захаваліся польскія шыльдачкі 1920-х гг. Яго, вядома, наўрад ці зробіш функцыйным, аднак вазіць сюды дзяцей ды апавядаць, як рабілі хлеб, для трохсоттысячнага места было бы выдатнай прыдумкай. Праўда, трэба ўкласці грошы, а гэтага акурат ніхто рабіць і не хоча. Гэткім чынам, глядзіце на здымкі апошняга ў Гарадзенскім раёне аб’екта падобнага кшталту. Здаецца, існаваць гэтым унікальным прыстасаванням засталося зусім нядоўга. Дадаць каментарый Імя: Каментарый: сем пяць тры чатыры - увядзіце гэты код лічбамі (цифрами) Апошнія каментарыі: Светик 12-11-2011, 12:31 я думала он внутри пустой, обалдеть!!!!!!! все детство на него смотрела с интересом. Спасибо за фото bel 04-08-2008, 19:29 млын гэты паміж пляжам Юбілейнага возера і старым аэрадромам толькі каля лечішчаў трэба супсіцца ўніз да Татаркі адным слоавм метрау 200 ад упадзення Татаркі у Юбілейнае katrina 03-08-2008, 00:18 Присоединяюсь к предыдущей просьбе:) Как туда можно добраться? Спасибо Праглядзець усе выказванні (Усяго 5)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў