Касцёл – пабрацімец Каложы 22 лістапада 2008 года Гісторыя разбурэння і выратавання касцёла, які паступова абвальваўся ў Балтыйскае мора. У Польшчы недалёка ад Калабжэга ёсць рыбацкая мясцовасць Тшэнсач. Вядомая яна даўно і славілася найперш сваім старым касцёлам, пабудаваным недзе ў XIII-XIV стагоддзях. У той час, калі касцёл узводзіўся, ён быў на адлегласці 1800 метраў ад мора. Паміж ім і хвалямі Балтыкі былі яшчэ парафіяльныя могілкі і некалькі будынкаў. Аднак, паводле мясцовай легенды, рыбакі аднойчы злавілі Зеляніцу – дачку марскога цара Балтыкі. Яна вельмі прасілася, каб яе адпусцілі. Аднак мясцовы пробашч надумаў яе ахрысціць, пасадзіў у бочку з вадой і прымушаў вучыць малітвы. Зеляніца хутка памерла, і яе пахавалі на парафіяльных могілках. Тады цар мора і пачаў паступова падбірацца да магілы сваёй дачкі. У 1901 годзе ў мора абвалілася паўночная частка касцёла, і наступныя некалькі дзесяцігоддзяў касцёл пакрысе разбураўся. Аднак праведзеныя у 2001-2002 гадах ратаўнічыя работы дазволілі стабілізаваць стан рэштак касцёла, што яшчэ засталіся на беразе. Канешне, адбудоўваць касцёл, рызыкуючы нават тымі невялікімі, але арыгінальнымі рэшткамі храма, ніхто не збіраецца. Не ведаем, па якой прычыне Нёман забраў частку Каложы, аднак сёння зразумела, што справа яе аднаўлення ў задуманым уладамі варыянце – надзвычай небяспечнае мерапрыемства, якое нясе значную пагрозу існым сценам нашай Каложы. Паводле часопіса: Focus Historia. 2008. №7-8 Чытайце таксама: 06.06.2008 Калі страцім Каложу? 04.06.2008 Уникальной Коложе грозит варварская реставрация 12.03.2008 Горадня на малюнках Напалеона Орды (Галерэя) 23.05.2006 Каложа откроет тайны 10.05.2006 У Каложы чарговы перыяд 08.02.2006 Коложа: в прошлое на полтора века Дадаць каментарый Імя: Каментарый: адзін тры нуль чатыры - увядзіце гэты код лічбамі (цифрами)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў