|
| Кніга Ю. Гардзеева пра Антонія Тызенгаўза
25 лютага 2009 года
У мінскім выдавецтве «Тэхналогія» ў серыі «Нашы славутыя землякі» выйшла новая кніга Ю. Гардзеева, прысвечаная гродзенскаму старасце Антонію Тызенгаўзу.
Гардзееў Юры. Рамантык эпохі асветніцтва. Антон Тызенгаўз. Мінск: «Тэхналогія», 2008. 67 с.
Гэтая невялічкая кніга чакала свайго часу некалькі год і сваім з’яўленнем павінна прынесці радасць не толькі аўтару, але і многім зацікаўленым гісторыяй роднага горада гарадзенцам. Упершыню на беларускай мове выйшла абагульняючая праца, прысвечаная біяграфіі і дзейнасці гродзенскага старасты, заснавальніка Гарадніцы, які марыў пераўтварыць Гродна ў «Квітнеючую Галандыю на Нёмане».
Кніга складаецца з наступных раздзелаў: Пачаткі, Пераўтварэнні Тызенгаўза, Мануфактуры і гандаль, Культура Гарадніцы, На зыходзе веку, Напамін пра Тызенгаўза. Аўтар падрабязна расказвае аб архітэктуры Гарадніцы, установах, якія месціліся ў будынках, што ацалелі да сённяшняга дня ці былі разбураныя. Варта таксама адзначыць, што кніга напісана прафесійным гісторыкам. Ю. Гардзееў пазбег празмернай ідэалізацыі асобы гродзенскага старасты, грунтоўна апісаў прычыны краху пачынанняў А. Тызенгаўза, яго дастаткова жорсткае абыходжанне з прыгоннымі сялянамі і працаўнікамі мануфактур. Кніга аздоблена шэрагам цікавых фотаздымкаў і рэпрадукцый. Манаграфія выйшла невялікім накладам (500 асобнікаў), таму прапануем не адкладваць набыццё кнігі для сябе і сяброў.
Апошнія каментарыі:
Праглядзець усе выказванні (Усяго 2)
|
|
|
|
|
|
|
|
|
|
Лірыка...
|
* * *
|
Іду па Горадні. Пілуюць дрэвы
І не пад корань, а галіны толькі.
Маўляў, і так засохнеце самыя,
А выжывеце – што ж, спілуем зноўку.
Яны стаяць, а з ранаў сок як слёзы.
Галінаў рэшткі – нібы рукі – ў неба.
Яны былі таполі і бярозы.
Нічога ім, апроч жыцця, не трэба.
Жыцця, заўважце, а не існавання,
Калі пілуеце – то лепш пад корань.
Пілуюць дрэвы з вечара да рання.
Пілуюць дрэвы. Засынае горад.
Света Карпей
|
Дасылайце свае вершы пра Гародню
|
|
Помнік
| |
Бардзюры "Magistrat m. Grodna"
|
|
|
|
Слаўнае імя
 Цярэшчанка Кузьма Юр’евіч (кастрычнік 1888 – 12.03.1922)
сакратар міністэрства замежных справаў БНР, старшыня Часовага БНК, старшыня Цэнтральнага БНК, адзін са стваральнікаў Цэнтральнага беларускага саюза сельскай гаспадаркі (Цэнтрабелсаюз) |
Чытайце ў Бібліятэцы
 Гаворыць Друцк або напамін пра верасень 1939 г.
31 жніўня 2009 года
Гродзенскі архітэктар Рышард Кацынэль распавядае аб месцах масавых забойстваў абаронцаў Гродна ў верасні 1939 года і сваіх спробах ушанаваць іх памяць. Зусім невядомы гарадзенцам артыкул пачатку 1990-х гг. аб мясцінах расстрэлаў, дзе сёння няма нават крыжоў.
Глядзець
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
