Знясуць апошні дом па вуліцы Крывой 9 ліпеня 2009 года
Вуліцы Крывой даўно няма, апошні яе дом мае цяпер адрас Вялікая Траецкая 47. Сёння гэты будынак, цікавы прыклад «цаглянага» стылю ў гарадзенскай архітэктуры пачатку ХХ ст., дажывае апошнія дні.
Дом па вуліцы Вялікая Траецкая, заціснуты паміж банкам і падатковай інспекцыяй, знаёмы многім гарадзенцам, якія бачаць яго, ідучы да моста праз Гараднічанку па дарозе ў Каложскі парк. Будынак, пабудаваны ў самым пачатку ХХ ст., прыцягвае да сябе ўвагу выключна цікавымі дэталямі архітэктурнага аздаблення фасада (надваконныя карнізы, падваконнікі, дэкаратыўныя лапаткі, выкарыстанне каляровай чырвонай цэглы). Для гарадзенскіх уладаў і архітэктараў добрай справай было б захаваць прынамсі фасадную сценку гэтага дома, які нават сёння не згубіўся паміж навакольнымі будынкамі. Між тым рабіць гэтага ніхто не збіраецца, жыхары з дома ўжо выселены і хутка да яго пад’едзе экскаватар…
Яшчэ адзін цікавы момант - фасад дома мае «крывую», «ламаную» форму. Звязана гэта рэдкая для архітэктуры нашага горада асабліваць дома з тым, што будынак убудоўваўся ў выгін вуліцы, таму і мае такі цікавы выгляд. Падобны будаўнічы прыём ужыты толькі яшчэ ў адным доме па сучаснай вуліцы Сацыялістычнай.
Запланаваны знос будынка мае сваёй галоўнай мэтай канчатковае вызваленне тэрыторыі для запланавага гарадзенскімі ўладамі велізарнага будынка ПРАКУРАТУРЫ, чарговага адміністрацыйнага монстра са шкла і бетона, які павінен з’явіцца цягам наступнага года на пустыры за галоўнай гарадзенскай сінагогай. Аб планах узвядзення пракуратуры на месцы, дзе культурны археалагічны слой большы, чым на Савецкай плошчы, мы напішам у хуткім часе.
Чытайце таксама: 28.10.2008 Некалькі словаў аб наступствах рэканструкцыі Старога моста
Апошнія каментарыі:
|
|
Очень сильно печалит тот факт, что с уничтожением старых(исторически ценных зданий) гродненские власти уничтожают дух великого города. Стон и крики о помощи ощущаются сердцем. Умирает прекрасный город Гродно, с ним же и люди добрее не становятся! |
Праглядзець усе выказванні (Усяго 1)
|
|