Верасень 1939: трагедыя ўз’яднанай Беларусі? 11 верасня 2009 года У чацвер 17 верасня запрашаем узяць удзел у першай у гісторыі інтэрактыўнай рэканструкцыі падзей верасня 1939 года ў Гродна. У гэты ж дзень у Гродна пад агульнай назвай “Верасень 1939: трагедыя ўз’яднанай Беларусі?” адбудзецца шэраг мерапрыемстваў, прысвечаных гэтым гістарычным падзеям. Мерапрыемствы рыхтуюцца супольна шэрагам недзяржаўных арганізацый і грамадскіх ініцыятываў. У праграме акрамя інтэрактыўнай рэканструкцыі падзей верасня 1939 году ў Гродна, якая мае назву “На крок ад заўтра” і ўзяць удзел у якой зможа кожны прысутны, таксама прэзентацыя унікальных фота з гісторыі міжваеннай Гародні, музычна-вершаванае прадстаўленне “Сага пра Гародню” па матывах гарадзенскай лірыкі першай паловы ХХ ст. Адбудзецца і першы ў гісторыі Гродна публічны беларуска-польскі “круглы стол”, удзел у якім возьмуць беларускія і польскія гісторыкі і публіцысты. Асноўныя пытанні, якія будуць вынесеныя на абмеркаванне: Якое месца занялі вераснёўскія падзеі 1939 года ў беларускай гісторыі? Якое значэнне мелі гэтыя падзеі для гісторыі Другой Сусветнай вайны? Ці можна разглядаць падзеі 17 верасня ў адрыве ад савецкіх рэпрэсій 30-50-х гадоў? Мы кажам вызваленне ці акупацыя Беларусі, разважаючы над наступствамі верасня 1939 года для гістарычнага лёсу беларускага народу? Ці можа беларуская ацэнка гэтых падзеяў адрознівацца ад польскага погляду на 1939 год? Свае даследаванні і погляд на падзеі 70-і гадовай даўніны ў Беларусі прадставяць, між іншых, Алесь Смалянчук “Камуністычныя рэпрэсіі ў Заходняй Беларусі. Верасень 1939-чэрвень 1941 гг”; Андрэй Вашкевіч і Андрэй Чарнякевіч “Гародня і гарадзенцы ў вераснёўскіх падзеях 1939 года”; Дзмітры Люцік “Вайсковая аперацыя Чырвонай Арміі. 17-25 верасня 1939 года”; Андрэй Пачобут “Абарона Гародні ў верасні 1939 года”; Антон Астаповіч “Ушанаванне памяці ахвяр савецкіх рэпрэсій”, ды інш. Запрашаем усіх ахвотных! Чацвер, 17 верасня, Гродна, 18.30 па адрасе: вул. Будзёнага 48а, памяшканне ТАА "Палоніка" (зала ў дворыку будынка) Падрабязней на http://ruh-u-hrodna.livejournal.com Дадаць каментарый Імя: Каментарый: тры дзевяць чатыры тры - увядзіце гэты код лічбамі (цифрами) Апошнія каментарыі: Валерык 20-09-2009, 15:44 Ткачук Згодны з вамі!+1 Ткачук 16-09-2009, 17:43 Дзеля абъектыўнасці, належала б аднаму з гарадзенскіх гісторыкаў (ну хаця б Смалянчуку ці Чэрнякевічу, якія хіба валодаюць гэтай інфармацыяй) выступіць і пра рэпрэсіі з боку польскіх уладаў у гэты ж час, ну напрыклад у Гродна, ці ў Скідалі, Дзярэчыне і г.д. А то неяк аднабока атрымліваецца, зусім не па еўрапейску. Сёння "саветаў" не асуджае толькі лянівы. Валерык 12-09-2009, 21:11 Хопіць вам раўняцца на палякаў, яны не эталон, яны проста мараць аб вяртанні сабе свайго мінулага, у іх у галаве рэч паспалітая і Беларусь яе частка, у раземенні некаторых з іх. Факт рэпрэсій я не адмаўляю, але і польскую думку не прымаю.Нічога супраць палякаў не маю Праглядзець усе выказванні (Усяго 3)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў