Вайну з гісторыяй пачалі пажарнікі 17 верасня 2006 года Нядаўна пачаліся работы ў пажарным дэпо на вуліцы Замкавай, плануецца перабудаваць будынак, зрабіўшы яго двухпавярховым. Дэпо было пабудавана на гэтым месцы пасля пажару 1885 года, да гэтага тут ужо з XIV стагоддзя месціліся пасады Горадзена. Культурны слой дасягае тут 6-7 метраў, ён тут самы моцны пасля Замкавай Гары, большы чым на Савецкай плошчы. Сам будынак дэпо пасляваенны, але фактычна паўтараў ранейшае дэпо (толькі павернутае на 90 градусаў) і таму вельмі ўдала ўпісваўся ў забудову вуліцы. Як ён будзе выглядаць пасля перабудовы невядома, з інстанцыямі па ахове помнікаў праект не ўзгадняўся. У памяшканні самога дэпо выкапаныя 4 ямы глыбінёй каля 2 метраў і памерамі 3 на 3 метры. Рабочыя знайшлі вялікую колькасць касцей, будаўнічых матэрыялаў і керамікі ХVIII-ХІХ ст.ст. Адну са знаходак, прыгожы макацёр, можаце бачыць на здымку. Ніякага надзору, ні археалагічнага, ні будаўнічага, за будаўніцтвам няма. Ад гістфака Гродзенскага ўніверсітэта да дэпо 200 метраў (!) Начальнік пажарнай часткі Малышчык П.М. з цяжкасцю дазволіў рабіць фотаздымкі на тэрыторыі свайго напаўразбуранага дэпо, сцвярджаючы, што ніякага культурнага слою пад ім няма, ёсць толькі шэсць метраў падсыпанай зямлі. Вось так у нашай краіне пажарнікі вучаць гісторыі гісторыкаў, археолагаў і краязнаўцаў. Але вінаваціць іх, людзей несвядомых, наўрадці ў гэтым можна. Вінаватыя найперш тыя чыноўнікі, што павінны непарушна стаяць на стражы закона аб археалагічнай спадчыне. Дадаць каментарый Імя: Каментарый: шэсць пяць сем два - увядзіце гэты код лічбамі (цифрами) Апошнія каментарыі: Татьяна 14-12-2006, 18:26 Ребята, дело на депо не закончится!Гродненские архитекторы приступают к реставрации-капремонту жилых домов №19 и 18 по ул.Замковой. Несомненно, в паспортах проектов указывается,что работы необходимо проводить под надзором археологов и прочих заинтересованных лиц, но почему-то процес ремонтных работ этих самых лиц начинает интересовать только после значительных нарушений со стороны проектировщиков.Хотелось бы узнать:это происходит из-за отсутствия информации с их стороны, а может по каким-то другим причинам? maskol 20-09-2006, 19:48 Сёння ў дэпо пачалі капаць яму, адкапалі кучу касцей, археалагічныя слаі знішчаюцца па поўнай праграме. Працы удалося спыніць, але гэта не надоўга. Юрка з-пад Гародні 20-09-2006, 10:04 Вось выносіць брыгадзір вёдры. І што? У калгасна-феадальным разуменні сярэднестатыстычнага беларуса - гэта смецці,а не культура. Культура - гэта маскоўскі Крэмль і піцерскія прспекты! Праглядзець усе выказванні (Усяго 8)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў