У Менску быў абмеркаваны альтэрнатыўны праект размеркавання транспартных плыняў у цэнтры Горадні 4 красавіка 2007 года 3-га красавіка ў Менску ў памяшканні інстытута БелНДІ “Горадабудаўніцтва” адбылася нарада па справе альтэрнатыўнага праекта, распрацаванага прадстаўнікамі гарадзенскай грамадскасці і сябрамі таварыства “Этна”. У абмеркаванні прымалі ўдзел намеснік старшыні гродзенскага гарвыканкама Кунаш, галоўны архітэктар Анісімаў і кіраўнік Грамадзянпраекта Дзяшко, намеснік кіраўніка дэпартамента па ахове помнікаў Чарняўскі, супрацоўнікі міністэрства будаўніцтва і БелНДІ “Горадабудаўніцтва”. Прадстаўнікі грамадскасці рабілі акцэнт на неабходнасць спачатку пабудаваць прапанаванае малое кальцо, а потым займацца працамі ў цэнтры, калі транзітны транспарт будзе з цэнтру выведзены і стане зразумела, ці гэтыя працы наогул патрэбныя. Гарадскія чыноўнікі патрэбы малога кальца не адмаўлялі, ганарыліся тым, што на Фолюшы не забудавалі калідор для такога кальца коштам у 19 млрд. рублёў, але па-ранейшаму ціснулі на неабходнасць прац у раёне Вялікай Траецкай. На пытанне аб тым, што новая вуліца пройдзе занадта блізка ад сінагогі, было адзаначана, што дарога будзе аж ў 10 метрах ад яе. Кожны жадаючы можа схадзіць пад сінагогу і убачыць, што без падсыпкі схіла дарога будзе праходзіць максімум у 6 метрах ад сцяны старажытнага храма, а ў 15 метрах ад выхаду з яго на месцы сучаснай стаянкі будзе скрыжаванне. Па-ранейшаму выглядае туманна пытанне аб тым, хто пры ўмове пачатку будоўлі дарогі будзе займацца грандыёзнымі археалагічнымі раскопкамі ў раёне Сінагогі і Падгорнай. Спадар Чарняўскі заявіў, што гарадзенскія археолагі на гэтыя працы дазволу не атрымаюць. Хутчэй за ўсё такіх прац наогул не будзе, так што неабыякавым гарадзенцам ізноў прыйдзецца збіраць тое, што выкінуць сваімі каўшамі экскаватары. У сваім выступленні кіраўнік гродзенскага Грамадзянпраекту спадар Дзяшко заявіў, што пабудова вуліцы-дублёра Вялікай Траецкай, працы на Падгорнай і рэканструкцыя Старога Моста – аксіёма. Пабудова новага моста ў раёне чыгуначнага немагчымая на ягоную думку з-за фінансавых цяжкасцёй. Калі рэканструкцыя Старога моста будзе каштаваць 10 млрд. рублёў, то пабудова новага з усімі пад’ездамі да яго аж 400 млрд. рублёў. Даўжыня новага моста мусіць складаць 700 метраў, вышыня апор 40-50 метраў (у Старога моста 150 метраў і 10 метраў). Названыя спадаром Дзяшко грашовыя сумы і гігантычныя памеры моста (увесь стары горад займае прастору прыкладна 1х1 км) выклікалі смех сярод мінскіх архітэктараў, маўляў, за гэтыя грошы можна адбудаваць Замкі, Фару Вітаўта, Ратушу і бадай увесь стары горад. Удакладніць адкуль узятыя такія лічбы сп. Дзяшко не змог. Нагадаем, што раней у афіцыйнай прэсе кошт новага моста называўся каля 50 млн. у.а. У канцы нарады вядучая падсумавала усю справу. У яе выступленні ўсё звялося да таго, што галоўнае – не адступаць ад генплана, а гарадскія ўлады ўсё роўна зробяць, што ім захочацца. Стварылася ўражанне, што большасць мінскіх архітэктраў і чыноўнікаў выступаюць за пабудову новага моста, але іх насамрэч мала хто збіраецца слухаць. Адным словам хутчэй за ўсё ужо гэтым летам над далінай Гараднічанкі з’явіцца дублёр Вялікай Траецкай і да пробкі на скрыжаванні Давыда Гарадзенскага-Маставая-Парыжскай Камуны аўтамабілісты будуць ехаць ужо дзвюма вуліцамі. Нагадаем, што праект быў высланы больш чым у дзесяць афіцыйных установаў і СМІ. Адказу пакуль не было ніводнага. Чытайце таксама: 22.02.2007 Прапановы па развіцці транспартнай сістэмы горада Гродна 13.03.2007 Паход у Адміністрацыю прэзідэнта, і ў Камітэт дзяржкантролю 20.02.2007 Лучше гору обойти… ГАИ готовится к закрытию старого моста 20.01.2007 Міністэрства апелюе да грамадскасці 16.01.2007 Асфальт требует жертв Дадаць каментарый Імя: Каментарый: дзевяць адзін дзевяць дзевяць - увядзіце гэты код лічбамі (цифрами) Апошнія каментарыі: Юрка з-пад Гародні 13-05-2007, 16:14 Пытанне да АрхіГрафа. А ў рэстаўрацыі якіх архітэктурных помнікаў горада вы асабіста прымалі ўдзел? павел 11-05-2007, 09:08 Власти проводят реконструцию улиц центральной части города. Результат -огромные пробки у старого моста. Теперь идут разговоры о расширении его. И что мы будем иметь? Те же пробки только уже на старых улицах. Необходимо для разгрузки центра улучшить транспортные связи: 1.Микрорайон по ул. Поповича- пл. Тызенгауза- ж/д вокзал -Озерское шоссе. Для чего построить двухполосную проезжую часть по ул. Лесная ,Полевая, Лермонтова. Это так же даст возможность вдохнуть жизнь в горожанами забытый Коложский парк и обеспечит общественным транспортом пациентов первой поликлиники. 2.Северный район города с восточным (ОАО "Азот") и юго-восточным (м-н Вишневец)- расширение ж/д переезда до 4 полос(полумера до строительства путепровода) 3.Занеманская часть города- автовокзал- устройство двухярусного мостового пролета на опорах ж/д моста с пропуском транспорта по верхнему ярусу за р. Неман, по нижнему –к опорах ж/д моста с пропуском транспорта по верхнему ярусу за р. Неман, по нижнему –к автовокзалу (он запроектирован как двухпутный) Отсутствие необходимости строительства опор сделает это предложение не дороже реконструкции старого моста. Заявление о сохранении памятников архитектуры и нанесениии вреда здоровью жителей города стоит направить в прокуратуру республики . Haspadar 07-04-2007, 03:05 У мяне робіцца ўражаньне, што нехта проста мала грошаў у сваю кішэню паклаў і цяпер хоча зэканоміць на пабудове дарог,а выручаныя сродкі накіраваць у недабудаваны катэдж за горадам. Праглядзець усе выказванні (Усяго 4)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў