|
Жыхары г. Гродна зьбіраюцца падаваць скаргу ў Гарадзенскую абласную пракуратуру
1 траўня 2007 года
Абаронцы старой Гародні распачалі збор подпісаў сярод жыхароў гораду пад скаргай у абласную пракуратуру з прычыны шматлікіх парушэньняў заканадаўства РБ у час “бульдозэрнай рэканструкцыі”.
Скарга ў PDF і DOC фарматах.
Бланк для збору подпісаў ў PDF і DOC фарматах.
Апошнія каментарыі:
|
|
Трэба працаваць! Абараняць не на словах, а ў дзеяннях!
А таму ж Лакотку (дарэчы, чалавеку, які зрабіў вельмі шмат для папулярызацыі помнікаў Беларусі) трэба даваць інфармацыю пра разбурэнні, належна інфармаваць! |
|
|
Cьлёзы кацяцца з вачэй,калі назіраеш за падзеямі ў Горадні. Зьнішчэньне гістарычнай спадчыны не ўкладаецца ні ў якія рамкі дазволенага,і на нас(гарадзенцаў) ускладаецца вялікая адказнасьць па захаваньню помнікаў культуры,бо інакш нашым нашчадкам захоўваць ужо не будзе чаго. СЯБРЫ!!! Давайце пачынаць змагацца пакуль яшчэ ёсьць за што. |
|
|
На аднаўленне патрацілі б менш сродкаў... Ганьба гэтым людзям, якія руйнуюць нашу гісторыю, наша мінулае. Яны хочуць, каб мы адоакліся ад сваіх дзядоў. Але пакуль мы жывем, пакуль дыхаем гэтым паветрам, нас не перамогуць! Бо мы за праўду!!! Жыве Беларусь!!! |
Праглядзець усе выказванні (Усяго 5)
|
|
|
|
|
|
|
|
Лірыка...
|
Каложа
|
Дануце Бічэль
Каложа, туга мая светлая!..
Ў чорны Нёман па чорным шкле
Сіняй кропляй спадае ракета,
Быццам зорка ў ціхі Бетлем.
Ў вокны цёмныя заглядае,
Ззяннем бледным шукае кутка,
Дзе хваіна ў грубцы страляе,
Дзе ў жанчыны дзіцё на руках.
Глянь, абраная. Гэта не ў Нёман,
Не ў цямноцце, не ў сон, не ў драмy -
Ў веліч падае зорка бяздомная,
Ў снег і ў сэрца сыну твайму.
І ў няпэўным хвілінным блакіце,
Ўся адзіная, ўся са святла,
З небам, з Нёманам, з зямлёю злітая,
З сэрцам нашым - Каложа ўзрасла.
Трохі ў зелень, як пер'е качынае,
Трохі ў бэз і трохі ў гранат,
Уся - крышталь невыказна сіні,
Ўся - як край наш, як сон, як вясна.
Ўскінь далоні тонкія ўгору,
Сыну неба акрэслі шлях,
Каб навекі адбіліся зоры
У тваіх і дзіцячых вачах,
Каб ніколі перуны чужынныя
Не асмеліліся скасіць
Ні цябе, ні Каложы,
дзяўчыны
З ніў і пушчаў Беларусі.
І калі ўзнясе вас над светамі -
Прыгадайце ў вечным святле,
Як самотная зорка - ракета
Ціха падала ў цёмны Бетлем.
Уладзімір Караткевіч
|
Дасылайце свае вершы пра Гародню
|
|
Помнік
| |
Банк на вул. Карбышава
Канструктывізм 1930-х гг.
|
|
|
|
Слаўнае імя
Зянюк Адольф (1895– 1938)
апошні кіраўнік Гродзенскага гуртка беларускай моладзі, рэдактар часопіса «Студэнцкая думка» |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
Андрэй Чарнякевіч. Старонкі гісторыі Беларускай Гародні
Гэта гісторыя беларускага нацыянальна-вызваленчага руху ў нашым горадзе і яго ваколіцах у пачатку ХХ стагоддзя. Гэта далёка не поўная гісторыя змагання нашых слаўных продкаў гарадзенцаў за сваю незалежнасць у суверэннай Беларусі, гэта толькі нататкі, бы так мовіць першыя накіды такой гісторыі, але і гэта ўжо значная і вялікая работа. Дарэчы сказаць, вельмі шмат апавядае шаноўны аўтар і аб гісторыі многіх будынкаў, дзе адбываліся розныя лёсавызначальныя падзеі беларускай гісторыі і якія да сённяшняга дня ўпрыгожваюць наш горад.
Глядзець
|
Вядомыя людзі пра "рэканструкцыю"
 Уладзімір Арлоў, пісьменнік:
Здзіўляюся, як вам цяжка супрацьстаяць, не гледзячы на ўсе скаргі. Калісьці ў маім родным Полацку была падобная сітуацыя: хацелі знесці дом. Мы наладзілі кругласуткавае дзяжурства каля яго.
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
