|
Знішчэнне Старога Гораду: брукаванка XIX ст. аддадзеная ў ахвяру бульдозерам
9 красавіка 2006 года
Знішчэнне Старога Гораду працягваецца. "Рэканструктары" пачалі знішчаць брукаванку XIX ст. і бардзюры польскага часу з надпісам "Magistrat Grodna" па Савецкай плошчы і вуліцы Савецкай.
Дрэвы ў сверыку насупраць Фарнага (езуіцкага) касцёла на Савецкай плошчы знішчаныя амаль цалкам.
Праз велізарныя дзіркі ў асфальце і ў месцах, "вызваленых" ад старасвецкай пліткі свет пабачыў неацэнны культурна-гістарычны слой, які, на жаль, найхутчэй гэтак і застанецца недаследаваны.
Трубы, якія ляжаць агромністай гурбай пасярод Савецкай плошчы, сведчаць пра тое, што ў хуткім часе пляц перарэжуць глыбокія камунікацыйныя траншэі. Ператрушаны бульдозэрамі і знішчаны цалкам культурна-гістарычны слой, разбураныя падмуркі старых камяніц у будучыні ўжо не дапамогуць вызначыць дакладнае месца знаходжання тых самых камяніц дзеля іх далейшага аднаўлення.
Усе працы вядуцца без папярэдняга навуковага даследавання, шырокага грамадскага абмеркавання і якіх-кольвек самых элементарных спробаў захаваць законнасць распачатай рэканструкцыі. Ранейшыя развагі "рэканструктараў" на старонках "Вечернего Гродно" пра каштоўнасць Старога Гораду і важнасць яго захавання засталіся толькі развагамі.
Гэткім чынам, сёння ў Гародні адбываецца знішчэнне нацыянальнай беларускай спадчыны, незваротна знікаюць адметнасці нашага гораду, якія маглі бы завабіць у будучыні сюды тысячы і тысячы турыстаў з усяго свету.
Апошнія каментарыі:
|
|
Zmarnawali Garodnju u szczent.Dobra szto jaszcze ne rujnujuc' Stary Zamak. |
|
|
Нормально все, в смысле сделали ГУд.stop destruction- ПОЛНЫЙ ЛОШАРА!!!!!! Ппц |
|
|
ia k sozhaleniju ne v grodno sejchas, no kogda ia smotru na eto vsio, u menia slezy na glazah..... |
Праглядзець усе выказванні (Усяго 15)
|
|
|
|
|
|
|
|
|
|
Лірыка...
|
Горадня
|
Калі сугрэе мрок зноў фотаэлемент,
бляск эмануе свой ліхтар з высокім ціскам,
і змучаныя ўшчэнт фасфарыцуюць цыцкі
путанак, гераінь і вершаў і газет,
імкнуць тралейбусы ў тупым, зацятым цыкле,
і пакідаю я захарканы пад’езд
пад электрычны крык катоў, што tete-a-tene
зышліся на сваё адлюстраванне цыкнуць –
о вуліца! – нібы праравала зборню схізм,
алтар граху і зла з іканастасам твараў,
тваёю плынню я дрэйфую ў камунізм:
скрыжалі лозунгам плывуць пад гром фанфараў,
і раптам – дзіва ці які анахранізм –
на ўсіх, на ўсіх цень-крыж кладзе святая Фара.
Юрась Пацюпа
|
Дасылайце свае вершы пра Гародню
|
|
Помнік
| |
Пажарная вежа
|
|
|
|
Слаўнае імя
 Філістовіч Янка (1926 – 1953)
удзельнік узброенага змагання за незалежнасць Беларусі, сябра Рады БНР, арганізатар на тэрыторыі БССР незалежніцкага падполля |
Чытайце ў Бібліятэцы
Андрэй Чарнякевіч. Старонкі гісторыі Беларускай Гародні
Гэта гісторыя беларускага нацыянальна-вызваленчага руху ў нашым горадзе і яго ваколіцах у пачатку ХХ стагоддзя. Гэта далёка не поўная гісторыя змагання нашых слаўных продкаў гарадзенцаў за сваю незалежнасць у суверэннай Беларусі, гэта толькі нататкі, бы так мовіць першыя накіды такой гісторыі, але і гэта ўжо значная і вялікая работа. Дарэчы сказаць, вельмі шмат апавядае шаноўны аўтар і аб гісторыі многіх будынкаў, дзе адбываліся розныя лёсавызначальныя падзеі беларускай гісторыі і якія да сённяшняга дня ўпрыгожваюць наш горад.
Глядзець
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
