Гродна: Канструктывізм і рэканструкцыя горада
http://blog.grodno.net, 14 кастрычніка 2006 года
Спадарства!
На жаль, у нас не атрымалася выратаваць (унесці ў дзярж. спіс каштоўнасцяў) будынак у г. Гродна 1928 г. пабудовы. Яго разбурылі раніцай 6 кастрычніка. Мы спрабавалі вынесці яго на разгляд навукова-метадычнай рады па ахове помнікаў. Гэта пытанне разглядалася. Было адзначана (верасень), што не хапае дазволу ўласніка (Гродзенскі гарадскі выканаўчы камітэт). Таму пытанне было перанесена на канец кастрычніка.
Але напачатку кастрычніка (ёсць падставы меркаваць) пачаўся моцны наступ гродзенскіх улад на Міністэрства культуры! У выніку з Міністэрства на Гродна пайшоў ліст аб тым, што на разглядзе навукова-метад. рады яго не прызналі помнікам, (як сцвярджаюць прадстаўнікі рады - пытанне аб будынку перанесена на канец кастрычніка).
У выніку будынак разбураны.
Мы ўдзячны ўсім хто дапамагаў яго выратаваць (дарэчы ён прастаяў больш запланаванага тэрміну амаль на месяц):
хто вандраваў у Гродна і збіраў неабходныя паперы;
хто не спаў ноччу і пісаў гістарычную даведку;
усім зацікаўленым арганізацыям;
усім хто хоць нешта рабіў, каб выратаваць будынак! Дзякуй!
Але нам нельга дазволіць сапсаваць Гродна ў выніку рэканструкцыі горада! Ёсць паперы, якія сцвярджаюць, што рэканструкцыя не адпавядае патрабаванням і законам Рэспублікі Беларусь. Таму усіх ахвотным і не абыякавых ЧАКАЕМ для далейшай дзейнасці па выратаванню помнікаў г. Гродна!
Тэл. 7040018 (Раман)
7762435 (Павел)
7097022 (Вольга)
паводле blog.grodno.net
Чытайце таксама:
09.10.2006 У Горадні разбурылі помнік канструктывізму
06.10.2006 ДОМ памёр, няхай жыве ДОМ!!!
13.09.2006 Мінкультуры прыпыніла знішчэнне старажытнага будынку ў Гродне
13.09.2006 В Гродно пока не будут сносить здание-памятник конструктивизма
09.09.2006 Закон на баку будынка! - паведамленне з Міністэрства культуры РБ
08.09.2006 НеСНОСный вопрос
01.09.2006 В Гродно снесен исторический квартал по улице Горького
31.08.2006 Хроніка разбурэння Залатой горкі
21.08.2006 Развязки в Гродно: пл. Советская, Автовокзал, Горького-Виленский
18.08.2006 Канец Залатой Горкі
10.08.2006 Дом-помнік зносяць, людзі ў халупах застаюцца
19.07.2006 Горадню выратуе сквапнасць
13.07.2006 Жители Гродно подали жалобы в горисполком и Администрацию президента
06.07.2006 Гродно: бульдозеры против истории
05.07.2006 Дом под снос. Вечерний Гродно, 5 июля 2006 года, №27
17.06.2006 Пачалі бурыць дамы...
13.06.2006 Сказ аб Лысай гары – канкрэтныя прапановы па рэканструкцыі вул. Горкага
26.05.2006 Апакаліпсіс працягваецца – зносяць цэлы гістарычны квартал ў “Новым Свеце”
15.11.2005 Другая Няміга або аб зносе дамоў на вуліцы Горкага
01.12.2005 Эпітафія дому або пра гарадзенскі канструктывізм
Апошнія каментарыі:
|
|
Наша сітуацыя унікальная. Ва ўсіх краінах выкарыстоўваецца рэсурс культурнай спадчыны ў мэтах прапагавання сваёй культуры і развіцця турыстычнай інфраструктуры. На Беларусі адбываецца ўсё наадварот.
Мяркую, што Антоненка і Саўчанка добра разумеюць what is what? І добра ведаюць, якое значэнне мае гісторыя Гародні і яго спадчына. Толькі справа ў тым, што для іх сялянскага розуму Ў ДАДЗЕНЫ МОМАНТ з яўляецца набіць кішэнь "плітачнымі" грашыма. І яшчэ спадабацца калгаснаму, набліжанаму да іх менталітэту, электарату. Яны ведаюць рэальную сітуацыю, таму і ненавідзяць гэты горад, ягоны супраціў, гісторыкаў, краязнаўцаў ды ўсіх тых, хто можа пражыць без іх "таннай інфармацыйнай поліўкі". Ведаюць, што іх плітка доўга не працягне. Што на прыкладзе Савецкай пл. выразна відаць падтрымка метала-чарапічнага лобі. Ведаюць, што звычайная чарапіца будзе ляжаць даўжэй. Шмат аб чым можна разважаць. Аб цынізме, прымітыўным аргументаванні сваіх дзеянняў, адсутнасці ўнутранай культуры.
Напэўна, наш горад заслугоўвае на тое, каб менавіта ўлады горада фінансавалі даследаванні па горадабудаўнічай гісторыі Гародні, але... Ані капейкі з бюджэту навукоўцы на гэта не атрымалі і не атрымаюць. Таму гісторыкам прыйдзецца самім гэтым займацца, без дапамогі магілёўскіх псеўда-рупліўцаў.
І яшчэ. Згодны, паралельна з матэрыяламі па гісторыі архітэктыры горада трэба збіраць матэрыялы пра "герояў", якія знішчаюць НАШУ спадчыну. Менавіта нашу, не іх, для ІХ яна чужая. Таму трэба збіраць і публікаваць матэрыяла пра "заслугі" Саўчанкі, Антоненкі, Дэшко і гэдэ.
|
Праглядзець усе выказванні (Усяго 1)
|
|
