Алесь Марачкін: Мы пойдзем шляхам Драздовіча і Орды Наша ніва, 24 траўня 2007 года Да грамадзянскай кампаніі «Выратуем Горадню» далучаюцца беларускія і замежныя мастакі. У нядзелю 10 чэрвеня ў Горадні адбудзецца адкрыты мастацкі плэнэр-акцыя «Мастакі супраць разбурэння Гародні». Згоду ўзяць удзел у плэнэры ўжо выказалі больш за 20 айчынных мастакоў, сярод якіх Алесь Пушкін, Аляксей Марачкін, Міхал Анемпадыстаў. Мастакі пакінуць на палотнах выявы Старога гораду, гістарычныя будынкі, якія гарадзенскія ўлады вызначылі пад знос. Менскі мастак Міхал Анемпадыстаў, камэнтуючы НН свой удзел у плэнэры, зазначыў, што даўно ўжо зьбіраўся ў Горадню. «Хочацца калі не зафіксаваць у выглядзе малюнку стары горад, то хоць пабачыць на свае вочы, што яшчэ засталося, пакуль не зруйнавалі». Алесь Пушкін, мастак зь вёскі Бобр, плянуе ня толькі маляваць, але й зладзіць пэрфоманс. «Маляваць я буду ўдзень, а калі сьцямнее, зладжу невялікі пэрфоманс. Называцца ён будзе «Захаваньне». Сцэнар наступны: мастак у сярэднявечным строі побач са сьцяною, на якую падаецца сьвятло, робіць шаманскія рухі. Затым захоўвае ў зямлі камень, або аскепак, ці капсулу. Хутчэй за ўсё прывязу з Бабра аскепак гербу. Гэта будзе сымбалізаваць захаваньне для будучых пакаленьняў энэргетыкі Старой Горадні. У ідэале ўсё адбудзецца пад сьпевы Віктара Шалкевіча». Наша сіла, рэзюмуе сп. Пушкін, у тым, што творчыя людзі аб’ядналіся дзеля такой вартай справы. Менскі мастак Аляксей Марачкін лічыць, што такім чынам мастакі падтрымаюць у першую чаргу моладзь, што бароніць старасьвеччыну Горадні. «Свой пратэст выкажам мастацкімі сродкамі», — зазначае сп. Марачкін. На яго думку, фармат клясычнага мастацкага плэнэру не зусім адпавядае заплянаванай акцыі ў Горадні: «Мы будзем працаваць адзін дзень, а не 3-4, але гэта ж будзе й незвычайны плэнэр». Мастак прыгадвае гісторыю, што здарылася зь ім у Гурзуфе ў 70-я гады. Ён маляваў старыя вулкі, што вельмі захапілі яго сваёй непаўторнасьцю. Мінак зрабіў яму заўвагу, маўляў, што вы гэтую старызну малюеце, даўно ўжо яе трэба было зруйнаваць. На пытаньне, чаму ж дагэтуль не зруйнавалі, месьціч адказаў: «У 20-я гады тут вядомыя расейскія мастакі малявалі, то пасьля гэтыя краявіды сталі гісторыяй і іх не даюць чапаць». Аляксей Марачкін упэўнены, што калі б не Напалеон Орда ды Язэп Драздовіч, сучасныя беларусы шмат бы чаго не пабачылі зь гістарычных помнікаў. «Калі б нашыя ўлады так шанавалі мастакоў, прыслухоўваліся да меркаваньня інтэлігенцыі, усё было б інакш» — мяркуе мастак. Наша Ніва http://www.nn.by/index.php?c=ar&i=9056 Чытайце таксама: 23.05.2007 У Гродна адбудзецца пленэр-акцыя “Мастакі супраць разбурэння Гародні” Дадаць каментарый Імя*: E-mail: Каментарый*: шэсць два пяць нуль - увядзіце гэты код лічбамі (цифрами)* * - палі, абавязковыя да запаўнення Апошнія каментарыі: gogen 25-05-2007, 10:03 а власти и так уважают художников, правда только тех, кто усиленно лижет им задницу. чем и знаменит гродненский СХ Праглядзець усе выказванні (Усяго 1)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў