|
Ураду Масквы аддадуць стары квартал Горадні?
Радыё Свабода, 28 лютага 2008 года
Гарадзенскія ўлады маюць некалькі сур’ёзных інвэстараў, у тым ліку ўрад Масквы, каб аддаць ім для “упарадкаваньня” стары квартал пад назвай “Новы сьвет”. Пра гэта паведаміў сёньня намесьнік старшыні Анатоль Кунаш.
Гэты квартал пачаў забудоўвацца больш за сто гадоў таму. Пляны ўладаў па яго “парадкаваньні” выклікалі летась пратэсты актыўнай часткі грамадзкасьці, моладзі. Гэты квартал ня трапіў у ахоўную частку гістарычнай забудовы, таму ўлады плянуюць пакінуць у “Новым сьвеце” толькі моцныя цагляныя камяніцы.
Як забудоўваць вызваленую тэрыторыю, будзе вырашаць сам інвэстар, але новыя дамы ня будуць вышэйшымі за тры-чатыры паверхі, зазначыў спадар Кунаш. Паводле чыноўніка, урад Масквы выбірае ў іншых былых савецкіх рэспубліках участкі, якія яму цікавыя, і ўкладае ў іх грошы.
Апошнія каментарыі:
|
|
малайцы маскалі, развалілі Маскву, а зараз і па іншым гарадам прайдуцца, а нашы рады старацца прадаць усё што можна |
Праглядзець усе выказванні (Усяго 1)
|
|
|
|
|
|
|
|
Лірыка...
|
Гародня
|
Горад мой, бяссонніца мая!
Як жа не спяваць табе, скажы!
Свеціш майму Краю, як маяк,
на яго заходняе мяжы.
З плеч сваіх не сцёр па сёння ты
шэрых дзён, пажарышчаў сляды -
ды хачу я ў песні славіць тых,
хто цябе будуе маладым!
Родны, старажытны малады,
сведка ўсіх маіх надзей і спраў...
Прагну я, каб гэтак і заўжды,
нібы сёння ноччу, ціха спаў.
Спі... А я і Нёман удваіх
пастаім на варце сноў тваіх...
Данута Бічэль
|
Дасылайце свае вершы пра Гародню
|
|
Помнік
| |
Барысаглебская (Каложская) царква к. ХІ ст.
|
|
|
|
Слаўнае імя
Кандратовіч Кіпрыян (Цыпрыян) Антонавіч (28.04.1859– 31.10.1932)
сябра народнага сакратарыяту БНР, Галоўнакамандуючы беларускай народнай арміі ў часы І сусветнай вайны |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
Ці памаладзее калі-небудзь Стары Замак?
30 снежня 2006 года
Некалькі словаў аб плануемай у хуткім часе рэканструкцыі Старога Замка. Гісторыя праектаў рэстаўрацыі і эксклюзіўныя малюнкі.
Глядзець
|
Вядомыя людзі пра "рэканструкцыю"
Тадэвуш Гавін, ганаровы старшыня “Саюза палякаў на Беларусі”:
Людзі, каму не абыякавы лёс горада, павінны супрацьстаяць. Улада паводзіць сябе так, таму што яе ніхто не абіраў, яна прызначана “зверху”. Калі б мэр горада быў адказны перад грамадзянамі, ён бы не дазволіў такіх разбурэнняў. А так ён адказны толькі перад адной асобай, якая яго прызначыла на гэту пасаду. Абарона горада павінна стаць абавязкам кожнага свядомага грамадзяніна. Неабходна пісаць лісты, каб людзі ведалі, хто жыве з імі побач. У абароне гістарычнай спадчыны горада шмат у чым змаглі б дапамагчы студэнты. Моладзь павінна падключыцца ў гэту справу ў першую чаргу!
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
