Бадунова Палута (Пелагея) Аляксандраўна 1885 – 29.11.1938 настаўніца, грамадская дзеячка Нарадзілася ў Навабеліцы, што зараз у межах Гомеля. Паводле В. Кіпеля, да рэвалюцыі вучылася ў Маскоўскім універсітэце. У 1917 годзе скончыла вышэйшыя гісторыка-літаратурныя курсы ў Петраградзе. У чэрвені 1917 года была абрана сябрам ЦК БСГ. Дэпутат Петраградскага Савету рабочых і сялянскіх дэпутатаў. З 5 жніўня 1917 года сябра рэвізійнай камісіі Цэнтральнай Рады беларускіх арганізацый у Мінску. Удзельнічала ў рабоце І Усебеларускага з’езду. Сябра Рады БНР. Старшыня камісіі нацыянальнага яднання Рады БНР. 21 лютага 1918 года ўвайшла ў Народны сакратарыят БНР, займала пасаду народнага сакратара апекі. Удзельнічала ў адкрыцці беларускіх дзіцячых прытулкаў і школ. Старшыня арганізаванага ў Мінску 4 мая 1918 года дабрачыннага беларускага таварыства «Цётка». Сябра БПСР, цакратар ЦК партыі. 12 лістапада 1919 года абрана намеснікам старшыні Народнай Рады БНР. 17 лістапада 1919 года была арыштавана польскімі ўладамі разам з Я. Мамонькам і В. Ластоўскім. У красавіку 1920 года, як прадстаўнік БПСР, вяла перамовы з ЦК РКП(б) у Маскве. На з'ездзе БПСР 25 снежня 1920 года ў Мінску адстойвала палітычную лінію лавіравання ў адносінах да савецкай улады. У 1921 годзе арыштавана бальшавікамі, але хутка вызвалена і выехала ў Польшчу. У 1923-1925 гадах жыла ў Празе. У лістападзе 1925 года вярнулася ў СССР. Працавала настаўніцай у Навабеліцкай школе, на курсах беларусазнаўства ў Гомелі. 3 верасня 1937 года была арыштавана. 30 лістапада 1937 года засуджана на 10 гадоў папраўча-працоўных лагераў. 25 мая 1938 года прыгаворана да вышэйшай меры пакарання і 29 лістапада расстраляна ў Мінску. Рэабілітавана ў 1989 годзе. У Гродна прыязджала ў сярэдзіне 1919 года па справе вызвалення з турмы Т. Грыба. Поўны спіс імёнаў Дадаць каментарый Імя: Каментарый: два пяць пяць дзевяць - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў