Баліцкі Іосіф Мікалаевіч прыкл. 1898 – ? настаўнік, старшыня Гродзенскай акружной управы ТБШ Нарадзіўся ў в. Лаша прыкладна ў 1898 г. Скончыў Свіслацкую настаўніцкую семінарыю. У лістападзе 1923 года вярнуўся на радзіму з бежанства. З’яўляўся сябрам БПС-Р. Восенню 1924 года польскія ўлады забаранілі яму разам з А. Аршунам адчыніць беларускую школку ў в. Лаша. У верасні 1926 года быў абраны старшынём Гродзенскага павятовага камітэту БСРГ. Са снежня 1926 года старшыня Гродзенскай акружной управы ТБШ. Пад час вобыску ва Управе ТБШ 14 лютага 1927 года быў арыштаваны, аднак ужо ўвечары таго ж дня вызвалены. 12 лютага 1929 года Гродзенскі акружны суд прыгаварыў І. Баліцкага за нелегальны сход, што адбыўся 7 лістапада 1926 года ў в. Валатынь Эйсмантаўскай гміны, на 3 месяцы турмы, адклаўшы выкананне прыгавора на тры гады. Быў асуджаны як сябра БСРГ па “справе 56-ці” у 1928 годзе ў Вільні на 4 гады пазбаўлення волі. Магчыма, быў датэрмінова звольнены. Адзін з аўтараў аднаднеўкі “Пралом”, увесь тыраж якой быў канфіскаваны па загаду Гродзенскага старостсва 19 чэрвеня 1929 года. За ўдзел у выданні аднаднеўкі 9 ліпеня 1929 года І. Баліцкі быў зноў арыштаваны. Летам 1929 года асуджаны па артыкулу 102 крымінальнага кодэкса. Вызвалены ў лістападзе 1929 года. Паводле дадзеных Беластоцкага ваяводы, у пачатку 1930 года займаўся падрыхтоўкай сходу па стварэнню Гродзенскага акружнога праўлення ТБШ. У сярэдзіне 1920-х гадоў жыў па адрасе: вул. Ажэшкі, 9. Поўны спіс імёнаў Дадаць каментарый Імя: Каментарый: тры нуль восем дзевяць - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў