Бычкоўскі Адам 1889 – 18.11.1937 грамадскі дзеяч, першы старшыня Гродзенскага гуртку беларускай моладзі Стрыечны брат Антона Бычкоўскага – аднаго з рэдактараў газеты «Biełarus». Нарадзіўся ў фальварку Талочкі Сакольскага павета ў 1889 г., вучыўся ў Гродзенскай гімназіі. Сябра “Польскага самаадукацыйнага кола” (“Polskiego koła samokształcenia”) у Гродне. Першы старшыня Гродзенскага гуртку беларускай моладзі. Выступіў з уступнай прамовай на першай вечарыне гуртку 19 лютага 1910 года. Разам з ксёнзам Ф. Грынкевічам і Л. Сівіцкай (Зоськай Верас) вясной таго ж года арганізаваў беларускую вечарыну ў маёнтку Крыштапарава. На лекцыі гуртка 10 сакавіка 1910 года дэкламаваў верш Я.Купалы «Ня рвіся к багатым». Рэжысёр спектакля «Модны шляхцюк», які паставілі гурткоўцы. Удзельнічаў у беларускай вечарыне ў в. Дубніца, дзе выступіў з «асведамляюча-агітацыйным» рэфератам. На вечарыне ў лютым 1911 года прачытаў рэферат на тэму «Адгалосак душы беларускага народу ў яго песнях, казках і легендах». У маі 1911 года сябры гуртка арганізавалі развітальную вечарыну ў гонар першага старшыні арганізацыі, які ад’язджаў на вучобу ў Пецярбург. Сябра Пецярбургскага гуртку студэнтаў-беларусаў. Удзельнічаў у першай пастаноўцы купалаўскай «Паўлінкі». У міжваенныя гады працаваў суддзём у Саколцы, вёў адвакацкую практыку ў Варшаве. Быў юрыдычным кіраўніком Асветнага таварыства беларусаў у Варшаве. Аўтар сцэнічнага абразку «Сваты», які ставіўся шэрагам самадзейных драматычных гурткоў у Заходняй Беларусі. Памёр ад інфаркту ў сваім службовым бюро ў Варшаве 18 снежня 1937 г. Поўны спіс імёнаў Дадаць каментарый Імя: Каментарый: чатыры тры восем нуль - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў