Гадлеўскі Вінцэнт Янавіч 16.11.1888 – восень 1943 адзін з арганізатараў з’езду беларускага каталіцкага духавенства ў маі 1917 года і заснавальнікаў Беларускай хрысціянска-дэмакратычнай партыі, сябра Рады БНР, аўтар прац на рэлігійную тэматыку Нарадзіўся ў в. Шурычы Баярскай гміны Ваўкавыскага павета ў сям’і сталяра. У 1899 годзе скончыў пачатковую вучэльню ў Поразаве. Вучыўся ў Варшаўскай гімназіі. У 1908-1911 гадах вучыўся ў Віленскай каталіцкай духоўнай семінарыі, у 1912-1916 гадах – у Пецярбургскай каталіцкай духоўнай акадэміі. Тут актыўна ўключыўся ў беларускі рух, працаваў у беларускім гуртку, выступаў з рэфератамі. У 1916-1918 гадах служыў у Мінскай курыі. У сакавіку 1917 года ўдзельнічаў у з’ездзе беларускіх нацыянальных арганізацый. Сябра Беларускага нацыянальнага камітэту. Адзін з арганізатараў з’езду беларускага каталіцкага духавенства ў маі 1917 года і заснавальнікаў Беларускай хрысціянска-дэмакратычнай партыі. Удзельнік І-га Усебеларускага з’езду ў снежні 1917 года. Сябра Рады БНР. У 1918 годзе пераведзены ў Нясвіж, дзе быў вікарыям, школьным інспектарам, сябрам гарадской рады. У 1921-1927 гадах – пробашч у Жодзішках. Праследаваўся польскімі ўладамі за карыстанне беларускай мовай у касцёле. У 1925 годзе (двойчы ) і 1926 годзе сядзеў у турме ў Вільні; у 1927-1928 гадах зняволены ў Варшаве. З 1929 года жыў у Вільні, быў прэфектам школы пры Бернардзінскім манастыры. З 1933 года – старшыня цэнтральнай управы Беларускага інстытуту гаспадаркі і культуры. Выдавец і рэдактар газеты “Беларускі фронт” у 1936-1939 гадах. Аўтар прац на рэлігійную тэматыку. У верасні 1939 года пераехаў у Коўна, у 1940 годзе – у Варшаву. Удзельнік нарады беларускіх арганізацый у Берліне ў чэрвені 1941 года, сябра Беларускага нацыянальнага цэнтру. Падчас нямецкай акупацыі служыў у Мінску ксяндзом, а з верасня 1941 года – галоўным школьным інспектарам пры Генеральнам камісарыяце Беларусі. Быў сябрам галоўнай рады Беларускай народнай самапомачы. Забіты гітлераўцамі за беларускую дзейнасць. У 1906 годзе ў Гродне экстэрнам здаў экзамен за курс гімназіі. Поўны спіс імёнаў Дадаць каментарый Імя: Каментарый: сем адзін тры шэсць - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў