Маслоўская-Матэйчук Вера Ігнатаўна 23.03.1896/11.03.1898 – 23.01.1981 сябра Гродзенскай грамады беларускай моладзі, старшыня Цэнтральнага хаўрусу беларусак, адна з кіраўнікоў беларускага антыпольскага руху на Гродзеншчыне ў пачатку 1920-х гадоў Псеўд.: Мурашка, Вера Мурашка, Беларуская Мурашка Нарадзілася ў в. Агароднікі Беластоцкага пав. Скончыла Свіслацкую беларускую настаўніцкаю семінарыю. Сябра БПС-Р. У 1919 годзе атрымала ад Беларускай настаўніцкай рады Гродзеншчыны мандат на адкрыццё беларускай школы ў в. Грабава Арлянскай гміны, аднак не змагла дабіцца на гэта згоды з боку польскага школьнага інспектара Бельскага павету (па іншых звестках, школу ў в. Грабава яна ўсё ж такі адчыніла). Восенню 1919 года праслухала 1-я беларускія настаўніцкія курсы ў Вільні. У пачатку 1920 года адкрыла беларускую школку ў в. Карма (па іншых дадзеных – у в. Бахаравічы) Ігуменскага павету. Старшыня Цэнтральнага хаўрусу беларусак, створанага вясной 1920 года ў Мінску. Выступала за адраджэнне ўніяцкай царквы на Беларусі. З прыходам Чырвонай арміі летам 1920 года працавала інструктарам беларускага аддзелу Наркамата асветы БССР. У сакавіку 1921 года вярнулася з Савецкай Расіі на радзіму. Працавала настаўніцай у Бельскім павеце. Дэлегат ад Гродзеншчыны на Беларускай нацыянальна-палітычнай нарадзе ў Празе 26-30 верасня 1921 года. Адна з кіраўнікоў беларускага антыпольскага руху на Гродзеншчыне ў пачатку 1920-х гадоў. У сакавіку 1922 год была арыштавана польскімі ўладамі. Праходзіла па «справе 45-ці» ў Беластоцкім акруговым судзе ў маі 1923 года. Ёй ставілася ў віну: 1) арганізацыя антыпольскага падполля; 2) паездка на з’езд у Прагу, як прадстаўніцы беларусаў з Беластоцкага, Бельскага і Сакольскага паветаў і занятая на ім антыпольская пазыцыя; 3) сталая сувязь праз паездкі і перапіску з цэнтральным штабам 4-й групы беларускіх партызан у Мерычы; 4) атрыманне вялікіх сум грошай на падтрымку антыпольскага руху ад В. Разумовіча-“Хмары”; 5) антыдзяржаўная агітацыя і вярбоўка сяброў арганізацыі. Была прыгавораная да 6 год зняволення. З 1939 года працавала настаўніцай у вёсках Гродзеншчыны і Беласточчыны. Друкавала вершы ў газетах «Беларусь» (Мінск), «Ніва» (Беласток), «Беларускім календары» (Вільня). У 1919-1920 гадах з’яўлялась сябрам Гродзенскай грамады беларускай моладзі. Вясной 1921 года працавала выхавальніцай у Гродзенскім беларускім прытулку. Паводле газеты «Новое русское слово» ад 5 верасня 1921 года на сустрэчы амерыканскай харчовай місіі ў Гродне В. Матэйчук прывяла ў лютасць прадстаўнікоў мясцовых польскіх прытулкаў, так як у сваёй прамове не падзяквала за дапамогу польскай уладзе. 10 верасня 1921 года ад’ехала з Гродна ў Коўна за грошамі для Гродзненскага БНК. Поўны спіс імёнаў Дадаць каментарый Імя: Каментарый: пяць дзевяць сем чатыры - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў