Рагуля Васіль Цімафеевіч 16 (28).07.1879 – 16.06.1955 сябра Расійскай аб’яднанай радыкальна-дэмакратычнай групы, адзін з ініцыятараў стварэння і кіраўнікоў Беларускага сялянскага саюзу, беларускі пасол у польскі Сейм Нарадзіўся ў в. Ачукевічы Любчанскай вол. Навагрудскага пав. У 1900 годзе скончыў Віленскі настаўніцкі інстытут. Працаваў настаўнікам у Мінскім павеце, выкладчыкам Смаргонскага і 3-га Мінскага вышэйшых пачатковых вучылішчаў. З 1914 года служыў на Заходнім фронце. У 1917 годзе балаціраваўся ў склад Устаноўчага сходу Мінскай губерніі ад спісу Расійскай дэмакратычнай партыі. Адзін з ініцыятараў правядзення з’езду настаўнікаў Мінскай губерніі ў 1917 годзе, дзе выступіў з прамовай пра немэтазгоднасць пераводу навучання ў школах на беларускую мову. Удзельнік Усебеларускага з’езду ў 1917 годзе. У 1918 годзе выкладчык у сярэдніх навучальных установах Мінска. У час польскай акупацыі 1919-1920 гадоў уваходзіў у Расійскую аб’яднаную радыкальна-дэмакратычную групу. Летам 1920 года быў мабілізаваны ў Чырвоную Армію, адкуль дэзерціраваў у красавіку 1921 года і вярнуўся ў родную вёску. Беларускі пасол у польскі Сейм з 1922 года ад Цэнтральнага беларускага выбарчага камітэту. Сябра Беларускага пасольскага клубу. Адзін з ініцыятараў стварэння і кіраўнікоў Беларускага сялянскага саюзу. У снежні 1925 года ўваходзіў у ініцыятыўную групу па стварэнню Беларускага інстытута гаспадаркі і культуры. У 1928 годзе абраны сенатарам польскага сейма, але хутка па абвінавачанню ў антыдзяржаўнай дзейнасці быў пазбаўлены дэпутацкага імунітэту і зняволены на два гады ў турму. Пасля вызвалення вярнуўся ў родную вёску, працаваў на гаспадарцы. З прыходам савецкай улады ў верасні 1939 года настаўнічаў у мясцовай школке. У чэрвені 1941 года арыштаваны органамі НКУС, але, дзякуючы пачатку вайны, здолеў уцячы з–пад арышту. У перыяд нямецкай акупацыі Беларусі быў прызначаны бургамістрам Дзятлаўскага раёну. З 1944 года ў Германіі, з 1950 – у ЗША. Быў у Гродне ў канцы ліпеня - пачатку жніўня 1926 года. Спыніўся ў гатэлі «Гандлёвы», дзе меў вечарам 31 ліпеня нараду з М. Ханевічам-Гурыным. Поўны спіс імёнаў Дадаць каментарый Імя: Каментарый: два тры дзевяць дзевяць - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў