Уласаў Аляксанр Мікітавіч 16 (28).08.1874 – 11.03.1941 рэдактар-выдавец газеты «Наша ніва», адзін з з заснавальнікаў выдавецтва «Наша хатка», часопісу «Саха» і «Лучынка», сябра прэзідыўму Найвышэйшай Рады БНР, арганізатар і адзін з кіраўнікоў ТБШ Нарадзіўся ў Вілейцы Віленскай губ. (зараз Мінская вобласць). Вучыўся ў духоўнай семінарыі і рэальнам вучылішчы ў Пінску, рэальных вучылішчах у Мінску, Лібаве. У 1905 годзе скончыў політэхнічны інстытут у Рызе. У 1905-1907 гадах уключыўся ў грамадска-палітычную барацьбу. Арганізоўваў забастоўкі батракоў у Радашковіцкім павеце, шаўцоў, музыкантаў, цырульнікаў у Мінску, прымаў удзел у нелегальным настаўніцкім з’ездзе. Сябра ЦК БСГ. Рыхтаваў да друку газету «Наша Доля». З 8 снежня 1906 да 16 мая 1914 рэдактар-выдавец газеты «Наша ніва». У 1909 годзе асуджаны на 4 месяцы зняволення. Адзін з з заснавальнікаў беларускага выдавецкага таварыства «Наша хатка». У 1912 годзе ў Вільні наладзіў выданне сельскагаспадарчага часопісу «Саха», у 1914 годзе ў Мінску – часопісу «Лучынка». Займаўся правядзеннем у Вільні 1-й Краёвай выстаўкі дробнага промыслу і народнага мастацтва ў 1913 годзе, выстаўкі старажытнага і дэкаратыўна-прыкладнога мастацтва «Вільня-Мінск» у 1918 годзе. У 1914-1917 гадах служыў у царскай арміі. Дэлегат з’езду воінаў-беларусаў Заходняго фронту ў кастрычніку 1917 года, І Усебеларускага з’езду. У лютым 1918 годзе ўвайшоў у выканаўчы камітэт Мінскага беларускага прадстаўніцтва. 12 красавіка 1918 года кааптаваны ў склад Рады БНР, з ліпеня 1918 года быў у яе сакратарыяце. У снежні 1919 года ўвайшоў у прэзідыўм Найвышэйшай Рады БНР. За спробу адкрыцця ў Радашковічах беларускай гімназіі быў арыштаваны польскімі ўладамі і зняволены ў канцлагер у Стшалкове. У лістападзе 1922 года абраны ў польскі сейм як беспартыйны. Цесна супрацоўнічаў з Беларускім пасольскім клубам. Адзін з актывістаў Віленскага БНК. У лютым 1924 года ўступіў у польска-беларускае таварыства ў Вільні. Прымаў удзел у рабоце БСРГ. Выступаў у абарону яе кіраўнікоў на «працэсе 56-ці». Арганізатар і адзін з кіраўнікоў ТБШ. Пад яго апякунствам у 1922-1929 гадах дзейнічала Радашковіцкая беларуская гімназія. 16 кастрычніка 1939 года арыштаваны ворганамі НКУС па абвінавачанні ў «шпіёнска-правакатарскай дзейнасці». Быў зняволены ў Вілейскай турме. 29 лістапада 1940 года асобай нарадай пры НКУС СССР асуджаны як «сацыяльна-небяспечны элемент» на 5 год зняволення. Высланы ў Сіблаг. Памёр на этапе. Рэабілітаваны 6 студзеня 1961 года. Быў у Гродне 12 лістапада 1925 года на павятовым з’ездзе БСРГ (ТБШ - ?) і 12 ліпеня 1928 года на павятовым з’ездзе ТБШ. Поўны спіс імёнаў Дадаць каментарый Імя: Каментарый: дзевяць тры нуль тры - увядзіце гэты код лічбамі (цифрами) Апошнія каментарыі: Алекс 15-07-2011, 00:36 Шаноўныя мадэратары,будзьце ласкавы,прыбярыце калі ласка камент-абразу што вісіць амаль два гады "Паганцы беларутэны" ,гэта абраза для іншых беларусаў. З павагай, Алекс. jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны Праглядзець усе выказванні (Усяго 13)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў