Федарук Уладзімір Трафімавіч 1885 – ? дырэктар Гродзенскай беларускай школы, віцэ-старшыня Гродзенскай беларускай школьнай рады, сябра нацыянальных арганізацый у Гродне Скончыў настаўніцкую семінарыю. Працаваў настаўнікам з 1903 года. Нейкі В. Т. Федарук у 1917 годзе быў сябрам Вайсковага саюза Гродзенскай губерніі, выканкама Савета сялянскіх дэпутатаў, Гродзенскага аддзялення Усерасейскага камітэту дапамогі пацярпелым ад вайны ў Петраградзе. Магчыма, сябра БПС-Р. З 1919 года выкладаў у Гродзенскай беларускай школе. Прыкладна з 1921 года і да 1926 года быў дырэктарам Гродзенскай беларускай школы. Летам 1919 года з’яўляўся сябрам Гродзенскага беларускага настаўніцкага саюзу. З чэрвеня 1920 года – віцэ-старшыня Гродзенскай беларускай школьнай рады. У кастрычніку 1920 года быў сакратаром Гродзенскага БНК. 1 сакавіка 1922 года браў удзел у арганізацыйным паседжанні Гродзенскага камітэту Беларускага таварыства дапамогі ахвярам вайны. У сярэдзіне жніўня 1922 года ўвайшоў у склад створанага ў Гродне Беларускага выбарчага камітэту. Магчыма, сябра Гродзенскага беларускага дабрачыннага таварыства і Гродзенскага беларускага правінцыянальнага камітэту. Вясной 1924 года, паводле польскай дэфензівы, удзельнічаў у канспіратыўных сустрэчах мясцовых беларускіх дзеячоў у будынку беларускай школы ў Гродне. 10 чэрвеня 1924 года выехаў у Скідзель для вядзення беларускай агітацыі, дзе спыніўся ў мясцовага яўрэя Сулкеса. Летам 1928 года з’яўляўся кіраўніком курсаў беларускай мовы для настаўнікаў школ у Гродне. Вылучаўся ў Гродзенскую гарадскую раду на выбарах ў 1927 годзе ад беларуска-рускага блоку (спіс № 12). На выбарах у сейм у 1928 годзе – сябра беларускага акруговага выбаркаму. Вылучаўся ад блоку нацыянальных меньшасцяў (спіс № 18) у сейм па выбарчай акрузе № 6. Сябра Гродзенскага аддзялення Беларускага інстытута гаспадаркі і культуры. Магчыма, меў нейкае дачыненне да адбыўшагася ў Гродне 29 сакавіка 1930 года арганізацыйнага сходу па ўзнаўленню БПС-Р. Паводле А. Цыхуна ў 1939 годзе па даносу быў рэпрэсаваны ворганамі НКУС. Жанаты. Жонка Алена (1887 г.н.). На 1924 год меў двух дзяцей: дачку Ганну (1910 г.н.) і сына Лявона (1914 г.н.). Жыў па адрасах: у 1920 годзе - вул. Паліцэйская, 34, з 1922 года - па вул. Сапёрная, 6, на 1930 год – вул. Пушкінская, 9 (?). Поўны спіс імёнаў Дадаць каментарый Імя: Каментарый: адзін пяць пяць восем - увядзіце гэты код лічбамі (цифрами) Апошнія каментарыі: jendrus 19-12-2009, 23:39 to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! zet0000 19-12-2009, 20:15 "1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны to Мікалай Анегін 27-10-2008, 10:13 Дзякуй вялікі, можа напішаце які матэрыльчык пра Льва Бакста кароценькі. вывесім на нашым сайце. Праглядзець усе выказванні (Усяго 12)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў