|
Вул. Горкага №7 (вул. Міцкевіча №2)
14 ліпеня 2008 года
1898 г. Драўляны, двухпавярховы. Без катэгорыі.
У гэтым вялікім драўляным будынку, што знаходзіўся акурат на старым Дрэўным рынку, месьцілася крама пана Яблонскага, які прадаваў на разліў спіртныя напоі. Як успамінаў З.Цыпэльт: “У яе вітрыне заўсёды стаяла засмажанае да бронзавага колеру парася зь яйкам у лычку. Досыць часта каля гэтай невялікай забягалаўкі стаялі дзьве-тры фурманкі сялян, якія вярталіся пасьля спраў. Коні мелі накінуты на пысу мяшок зь сечкай, які часта трэсьлі, а іх уладальнікі частаваліся ў пана Яблонскага глытком чыстай, заключаючы пасьпяховыя і ня вельмі ўдалыя пагадненьні.” Вітрыны крамы Яблонскага захаваліся да сёньняшняга дня.
|
|
|
|
|
|
|
|
|
Лірыка...
|
Каложа
|
І
Дзень асеньні ішоў,
Да сярэдзіны, пэўна,
Серабрысты і сьпеўны
Між дрыготкіх дажджоў.
Парк суцішна дыхаў,
Спадарожнічаў дожджык…
Асьцярожна і ціха
Я прыйшла да Каложы.
ІІ
Яшчэ на гольлі вільгаць засталася.
У лісьце пахаваныя сьляды.
Алень драўляны на іканастасе –
Чыясь душа – схіліўся да вады.
І што мне, што знадворку непагода,
Што дождж па сэрцы коламі прайшоў?..
А голас сьвятара ляцеў свабодна
І зноў вяртаўся ад галасьнікоў.
ІІІ
Магчыма, самае прыватнае жаданьне,
Якое ўслых ня варта прамаўляць:
Калі пачнецца Суд,
Калі ў празрыстым раньні
Праз далеч сінюю труба пачне склікаць,
І страчаны Сусьвет
Паўстане ў новай сіле.
Душа і цела
Зьвяжуцца нанова –
Дай мне пачуць Твае сьвятыя словы:
"Дарую грэшным,
Бо яны любілі."
IV
Я думала: калі б застацца зараз
У восені, ўрачыстай і прыгожай,
Калі ўсё, усё зьмясьціцца можа
І апраўдацца для тваёй душы –
Асьветланай, усё пакінуць зараз!..
Ды смутак невымоўны
Ў дрэве кожным,
І парк мяне праводзіць ад Каложы.
І варта
Жыць.
Ганна Аўчыннікава
|
Дасылайце свае вершы пра Гародню
|
|
Помнік
| |
Флігель палаца адміністратара XVIII ст.
(знесены)
|
|
|
|
Слаўнае імя
Касцевіч Макар Мацвеевіч (6(18).08.1891 – 1939)
арганізатар першых беларускіх школак у Мінску, перакладчык кніг на беларускую мову, Старшыня кантрольнай камісіі Рады БНР |
Чытайце ў Бібліятэцы
Ю. Егоров. Градостроительство Белоруссии. Москва 1954
Глядзець
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
